الطرق الصحية الازالة الشعر الزائد من الجسم

 10/21/2011 02:13:00 ص |  كتب الموضوع Sakora |  

 

معظم الستات بيعملو ازالة لشعر الجسم الزائد بشكل عفوي وروتيني ناتج عن خبرة شخصية متواضعة مش على أسس طبية وعلمية عشان كدة بيقعو معظمهم في أخطاء ممكن تسبب مشاكل جديدة للبشرة زى البقع والإلتهابات والنزيف الداخلي ونمو الشعر داخل الجلد

 

وعشان الحجات دى متظهرش حدد خبراء العناية بالبشرة 8 أخطاء موجودة لازم متقعيش فيها وانتى بتعملى العملية دى وهي

1- إهمال تقشير البشرة
كتير من السيدات مش بيقشرو بشرتهم قبل التخلص من الشعر الزيادة رغم أنها خطوة ضرورية جدا عشان تزيل طبقة الجلد الميتة واللى بتعمل على سد المسام وبتخلى الشعر ينمو فى اتجاه معاكس ( تحت الجلد) بدلا من يطلع إلى بره الجلد بإلضافة إن التقشير بيعمل على تعزيز نعومة ملمس بشرتك بعد الإنتهاء من إزالة الشعر

 عشان كدة قبل إزالة الشعر بيومين بيفضل تقشرى بشرتك بمقشر لطيف للبشرة زى غسول الغني بالحبيبات المرطبة وبعد مرور ثلاثة أيام على إزالة الشعر يفضل  انك تستخدمي لوشن للجسم غني بدهون الألفا هيدركسين ليزيل الخلايا الميتة اولا عشان مش يسمح للشعر الجديد من النمو تحت الجلد و تكون بشرتك حريرية ونضرة 
2- التخلص من الشعر اثناء أخذ حمام ساخن

  لو كنتى متعودة على إزالة الشعر فى الوقت اللى بتاخدى فيه شاور ساخن  فا الخطوة  دى مش هتنفع فى إزالة الشعر بشكل كامل لأنه بتعرض الجلد للماء الساخن يتورم  فيسبب مشكلة عملية لإزالة الشعر بالكامل عشام كدة يفضل نعمل ده قبل الشاور بربع ساعة على الأقل عشان تهدأ بشرتك وتستمتعى بالشاور

3- استخدام شفرة غير حادة
بعض السيدات بيستخدمه الموس فى إزالة الشعر ودى اكتر طريقة  بتضر بالبشرة وكمان  بيتجاهله تغيير الموس ديما و ده يسبب مشاكل خطيرة للبشرة مع الإستخدام المتكرر ليها خاصة وانه مع مرور الوقت الموس ميكونش حاد وتتراكم بيه البكتيريا والجراثيم  وغير كدة كمان بتطلع الشعر تخين ومقصف فا يٌنصح ديما بعدم استخدامها او ممكن تستخدمى موس جديد وحاد فى كل مرة هتتخلصى فيها من الشعر الذايد  فالموس الحاد بتخلى الجلد ناعم وبتمنع ظهور المسامات الحمراء بس يفضل عدم استخدامه

4- إزالة شعر الجلد الضعيف
فى بعض السيدات او البنات بيستخدمه مادتي “أكيوتان” و “ريتينول” لعلاج الرؤوس البيضاء(حب الشباب) و دى بتسبب في ضعف مؤقت في طبقات الجلد الخارجية عشان كدة بينصح بعدم استخدامهم قبل  ميعاد إزالة الشعر بالسكر أو بالشمع بإسبوع على الإقل عشان ميسببش لبشرتك ضعف شديد خاصة وأن الشمع لوحده بيعمل على إزالة عدة طبقات من الجلد الطبيعي عند استخدامه

5- إزالة الشعر على فترات زمنية قصيرة:
إزالة الشعر بشكل متكرر على فترات زمنية قصيرة ممكن يسبب ضرر لبشرتك ويخليها أكتر ضعف وقابلة الإلتهابات عشان كدة ينصح الخبراء بإزالة الشعر كل 3 أسابيع بالأخص عند استخدام الشمع أو السكر وده بهدف راحة الجلد وإعادة تكوين الخلايا من ناحية ويتوفر الوقت الكافي لنمو الشعر عشان يكون من السهل إزالته

6- إزالة الشعر في الإتجاه الخاطئ
عند استخدام الشمع أو السكر فى إزالة الشعر فى البيت افردي أي واحده فيهم على بشرتك فى اتجاه نمو الشعر بعد كده اسحبيه او شديه فى عكس الإتجاه عشان مش يتسبب فى حدوث كدمات تحت الجلد وتضمني نجاح إزالة الشعر بشكل كامل

7- اختيار موعد خاطي فى إزالة الشعر
ينصح الأطباء بضرورة عدم التخلص من شعر الجسم الزايد مع اقتراب موعد الدورة الشهرية فهو أمر غير صحي عشان تغيرات الهرمونية اللى بتحصل خلال الفترة دى سواء قبلها أو وقتها وهو بيسبب إلى زيادة الألم وأحيانا إلى نزيف بسيط  عشان كدة أنسب وقت هو بعد انتهاء الدورة الشهرية من كل شهر

8- شد بشرتك عند تنظيف الحاجب

وقت تنظيف الحاجب وإزالة الشعر الزايدة فيه  مترفعيهش أو تسحابيه نهائى لفوق بهدف عشان تسعلى عملية التنظيف لانك بالطريقة دى بتبوظى شكلة الطبيعي فيكون الخط الطبيعي للحاجبين إلى رسم غير متناسق مع الوش وإذا كانت بشرتك حساسة وبتعاني من ألام عند إزالة شعر الوش بينصحك إخصائي التجميل بوضع مكعبات الثلج فوق المناطق اللى هتزيلى  الشعر منها لتخفيف الألم